રણબીર-શ્રદ્ધા ની ‘તૂ જૂઠી મૈ મક્કાર’

રણબીર-શ્રદ્ધા ની ‘તૂ  જૂઠી મૈ મક્કાર’ મોટી ઓપનિગ માટે તૈયાર,દિલ્લીમાં હાઉસફુલ થયા શો

 રણબીર કપૂર અને શ્રદ્ધા કપૂર ની ફિલ્મ ‘તૂ જૂઠી મૈ મક્કાર’ હોળીના દિવસે સિનેમા ઘરોમાં આવી રહી છે. આ રોમૅંટિક કોમેડી ને લવ રંજનીએ ડાયરેક્ટ કરી છે. ફિલ્મનું ટ્રેલર અને ગીતોને લોકો તરફ થી ઠીકઠાક પ્રતિભાવ મળ્યો છે. ફિલ્મ ની એડવાંન્સ બુકિંગ પણ શરુ થઈ ગઈ છે.

બૉલીવુડ ડાયરેક્ટર લવ રંજનીની રોમૅંટિક કોમેડી ફિલ્મોને સારો એવો પ્રતિભાવ મળ્યો છે. કાર્તિક આર્યન સાથે ‘પ્યારકા પંચનામા’ અને ‘સોનું કે ટીટુ કી સ્વીટી’ બનાવી ચૂક્યા છે લવ રંજન હવે ‘તૂ જૂઠી મૈ મક્કાર’ લઈ ને આવી રહ્યા છે. રણબીર કપૂર અને શ્રદ્ધા કપૂર ની મુખ્ય ભૂમિકા સાથે જાણીતા કોમેડિયન અનુભવ સિંહ બસ્સી પણ જોવા મળશે. 

રણબીર અને શ્રદ્ધાની  નવી જોડી 

તૂ જૂઠી મૈ મક્કાર ની મુખ્ય જોડી ફ્રેશ છે અને અત્યાર સુધી દર્શકોએ રણબીર કપૂર અને શ્રદ્ધા કપૂર ને સાથે નથી જોયા. રિપોર્ટસ મુજબ સોમવાર સાંજે 4 વાગ્યા સુધીમાં જ ,3 મોટી નેશનલ સિનેમા શૃંખલામાં 20000 થી વધુ બુકિંગ થઈ ગઈ છે. આ ફિલ્મની સંપૂર્ણ બુકિંગ રવિવાર રાત થી શરૂ થઈ છે. ફિલ્મ ની એડવાન્સ બુકિંગ થી એટલો અંદાજો લગાવવામાં આવે છે કે મંગળવાર રાત  સુધી 70 હજાર થી વધુ ટિકિટ બુક થઈ જશે. 

ઓનલાઈન બુકિંગ પર નજર કરીએ  તો ‘તૂ જૂઠી મૈ મક્કાર’ ના કેટલાય શો હાઉશફૂલ થઈ ગયા છે. અને કેટલાય નું બુકિંગ ઝડપથી વધી રહ્યું છે. એડવાન્સ બુકિંગ જોઈ ને  એવી આશા જગી રહી છે કે ફિલ્મને  પેહલા જ દિવસે 12-13 કરોડ સુધી ની કમાણી થઈ શકશે. તહેવારના દિવસ પછી ફિલ્મ કેટલું કામાય છે તે જોવાનું રહેશે.