ભારતમાં વધી શકે છે કેન્સરનો પ્રકોપ

ભારતમાં વધી શકે છે કેન્સરનો પ્રકોપ 

દેશમાં છેલ્લા કેટલાક વર્ષોમાં કેન્સરના કેસમાં  ખૂબ જ વધારો થયો છે. ઇંડિયન કાઉન્સિલ ઓફ મેડિકલ રેસર્ચ નું કહેવું છે કે 2025 સુધી કેન્સરના કેસો માં 12.7% ની વૃદ્ધિ થઈ શકે છે. કેન્સરનું  સૌથી મોટુ કારણ ધૂમ્રપાન, તંબાકુ અને દારૂનું સેવન, મોટાપો, શરીરમાં પોષક તત્વોની ખામી, શારીરિક ક્ષમતાની કમી જોવા મળેલ છે. દેશમાં આગળના ત્રણ વર્ષમાં કેસ  ખૂબ જ ઝડપથી વધવાના  છે. આ દાવો ઇંડિયન કાઉન્સિલ ઓફ મેડિકલ રિસર્ચ દ્વારા કરવામાં આવ્યો છે. પાછલા કેટલાક વર્ષોમાં ભારતમાં કેન્સરના દર્દીઓની સંખ્યામાં ખૂબ જ ઝડપથી વધારો થઈ રહ્યો છે. ઇંડિયન કાઉન્સિલ ઓફ રિસર્ચ મુજબ, 2020ના  રાજ્યો અને કેન્દ્રશાસિત પ્રદેશમાં કેન્સરના અંદાજિત આંકડા 2020 માં 13.92 લાખ હતા જે 2021 માં વધીને 14.26 લાખ થયા અને 2022માં વધીને 14.61 લાખ સુધી પોહચી ગયા છે. 

બીમારીનો ફેલાવો થવાના આ મુખ્ય કારણો છે    

 નિષ્ણાંતોના જણાવ્યા મુજબ દેશમાં માત્ર  હ્રદય રોગ અને શ્વાસ ની બીમારી નહીં પરંતુ કેન્સરના કેસ પણ વધી રહ્યા છે. કેટલીકવાર લોકોને કેન્સરના લક્ષણો ની પૂરી જાણકારી નથી હોતી માટે સમય પર બીમારીની જાણ ન થતાં સારવારમાં મોડું થાય છે જેથી   ઝડપથી સારવાર ન થવાના કારણે કેન્સરના કેસ  વધી રહ્યા  છે. માટે લોકો વચ્ચે કેન્સર અંગે જાગૃતતા ફેલાવી પણ ખૂબ જ જરૂરી છે. 

પાછલા કેટલાક વર્ષોના આંકડા મુજબ, ભારતમાં પુરુષોમાં સૌથી વધુ કેન્સરના કેસ મોં અને ફેફસાંના સામે આવ્યા છે. ત્યાં જ મહિલાઓ માં સૌથી વધુ કેસ બ્રેસ્ટ અને ગર્ભાશયના આવ્યા છે. બેંગલુરુ સ્થિત આઇસીએમઆર નેશનલ સેન્ટર ફોર ડિસિજ ઇન્ફ્રોર્મેટીકસ એન્ડ રિસર્ચ અનુસાર 2015 થી 2022 સુધી બધા પ્રકારના કેસના આકડમાં લગભગ 24.7% જેટલો વધારો થયો છે. 14 વર્ષની ઉમરના બાળકોમાં લીમ્ફોઈડ લ્યુકેમયા એટલેકે લોહી થી સંબંધિત કેન્સરનું સંકટ વધુ હોય છે. કેન્સરથી બચવા માટે જાગૃતતા ફેલાવવી જરૂરી છે. 

બીમારી થી બચવાના ઉપાયો 

કંસલ્ટેંટ મેડિકલ ઓન્કોલોજીસ્ટ અને હેમેટોઓન્કોલોજીસ્ટ ડૉ. સુહાસઆગ્રે અનુસાર, વૃદ્ધાવસ્થા, જેનેટિક્સ, મોટાપો, તંબાકુનું સેવન, દારૂ, વાયરલ ચેપ, પ્રદૂષણ , સૂરજની યુવી કિરણો, ગંદો ખોરાક,આવી ભયાનક બીમારી ફેલાવાનું કારણ બની શકે છે.માટે આ તામામ વસ્તુ થી દૂર રહેવું જોઈએ.  આ બીમારીથી બચવા માટે જરૂરી છે કે, કેન્સરના લક્ષણ દેખાતા તરત જ ડૉક્ટર નો સંપર્ક કરવ જોઈ એ.